பாஜக தேசிய செயலாளர் எச்.ராஜா சமீபத்தில் விவசாயிகளுக்காக போராடும் அய்யாக்கண்ணுவை பிராடு என கடுமையாக விமர்சித்திருந்தார். இந்த ஆடியோ சமூக வலைதளங்களில் வைரலாக பரவி பரபரப்பை ஏற்படுத்தியிருந்தது.
இந்த விவகாரம் தொடர்பாக அய்யக்கண்ணு வீடியோ ஒன்றை வெளியிட்டுள்ளார். அதில் எச்.ராஜா வைத்த குற்றச்சாட்டுகளுக்கு பதில் அளித்துள்ளார். மேலும் பாஜக தலைவர் தமிழிசை சௌந்தர்ராஜன் தன் மீது வைத்த குற்றச்சாட்டுக்கும் பதில் அளித்துள்ளார்.
இதில் எச்.ராஜாவை அய்யக்கண்ணு கடுமையாக சாடியுள்ளார். எச்.ராஜாவின் கருத்து குறித்து அவருக்கு போன் போட்டு கேட்டுள்ளார் அய்யாக்கண்ணு. எச்.ராஜா அது தெரியாமல் நடந்துவிட்டது. வேண்டுமானால் வருத்தம் தெரிவித்து அறிக்கை வெளியிடுகிறேன் என கூறியதாக அய்யாக்கண்ணு தெரிவித்துள்ளார்.
நன்றி: Chennai Memes
மேலும் எச்.ராஜா மற்றும் பாஜக தலைவர் தமிழிசை சௌந்தர்ராஜனை மிகவும் கடுமையாக தாக்கிப் பேசியுள்ளார் அய்யக்கண்ணு. எச்.ராஜா என் மீது வைத்த குற்றச்சாட்டை நிரூபிக்காவிட்டால் தற்கொலை செய்து கொள்ளவேண்டும் எனவும். ஆம்பளயா இருந்தா இந்த சவாலை அவர் ஏற்கவேண்டும் எனவும் விளாசியுள்ளார்.