வாழைமரத்தில் உள்ள பூ, இலை, காய், பழம், தண்டு என அனைத்தும் நமக்கு பயன் தருகிறது. அந்த வகையில் வாழைப்பூவின் மருத்துவ நன்மைகளை பற்றி இதில் பார்ப்போம்.
வாழைப்பூவில் கால்சியம், பாஸ்பரஸ், இரும்புசத்து, புரதச்சத்து, நார்ச்சத்து, வைட்டமின் பி, சி ஆகியவை உள்ளன. வாழைப்பூவை சமைத்து சாப்பிட்டு வந்தால் ரத்தத்தில் உள்ள கொழுப்புத் தன்மை குறைந்து ரத்த ஓட்டம் சீராகும். இதனால் ரத்தச்சோகை நோய் வராது.
வாழைப்பூவில் உள்ள துவர்ப்பு தன்மை ரத்தத்தில் கலக்கும் சர்க்கரையை கட்டுப்படுத்துகிறது. வாய்ப்புண், வாய் துர்நாற்றம், உள்மூல, வெளி மூல புண்கள் போன்ற பிரச்சனைகளுக்கு வாழைப்பூ பயனளிக்கிறது.
