ஒடிசாவில் பிஜு ஜனதாதளம் கட்சியின் தலைவர் நவீன் பட்நாயக் கடந்த 24 ஆண்டுகளாக முதல்வராக இருந்து வந்தார். சமீபத்தில் மக்களவை தேர்தலுடன் ஒடிசாவுக்கு சட்டசபை தேர்தல் நடந்தது. இந்த மாநிலத்தில் மொத்தம் 147 சட்டசபை தொகுதிகள் உள்ளன. இங்கு ஒரு கட்சி ஆட்சியை பிடிக்க வேண்டும் என்றால் 74 தொகுதிகளில் வெல்ல வேண்டும்.
இந்த தேர்தலில் பாஜக 78 இடங்களை கைப்பற்றி தனிபெரும்பான்மை பெற்றது. நவீன் பட்நாயக்கின் பிஜு ஜனதாததளம் 51 இடங்களில் வென்றது. காங்கிரஸ் 14 தொகுதிகளிலும், சுயேச்சைகள் 3 இடங்களிலும், மார்க்சிஸ்ட் கம்யூனிஸ்ட் கட்சி ஒரு இடத்திலும் வென்றது.
இதற்காக மேற்பார்வையாளர்களாக பாஜகவின் மூத்த தலைவர்களும், மத்திய அமைச்சர்களுமான பூபேந்திர யாதவ், ராஜ்நாத் சிங் உள்ளிட்டவர்கள் நியமனம் செய்யப்பட்டுள்ளனர். இந்நிலையில் ஒடிசா முதல்வருக்கான ரேஸில் 5 பேர் முன்னிலையில் இருப்பதாக தகவல் வெளியாகி உள்ளது.
