சிக்கிம் எல்லைப்பகுதியில் இந்தியா, சீனா, பூடான் நாடுகளின் எல்லைகள் சந்திக்கும் முச்சந்திப்பு உள்ளது. இது டோக்லாம் பகுதி என அழைக்கப்படுகிறது. கடந்த ஆண்டு டோக்லாம் பகுதி விவகாரத்தில் இந்தியா சீனாவிற்கு மத்தியில் பிரச்சனை ஏற்பட்டது.
மேலும், சீனா அங்கு ஹெலிகாப்டர்களை இறக்குவது, ராணுவ தளவாடங்களை நிறுத்துவது உள்பட பல்வேறு நிலைகளுடன் பாதுகாப்பு கட்டமைப்பை எல்லைக்கு மிக அருகாமையில் முன்னெடுத்து உள்ளது என செயற்கைக்கோள் புகைப்படங்களில் அம்பளமாகியுள்ளது. இதனால் ஆளும் மத்திய அரசு விமர்சனங்களுக்கு உள்ளாகியுள்ளது.
தேர்தல்களில் பேசுவதற்கு தேர்ச்சி பெற்ற நம்முடைய பிரதமர், எல்லை பாதுகாப்பை உறுதிசெய்வதில் தோல்வியை தழுவி விட்டார். டோக்லாம் பகுதி முழுவதையும் சீனா ஆக்கிரமிக்கும் வரையில் அரசு என்ன செய்துக்கொண்டு இருந்தது? மத்திய அரசு, பிரதமர் மற்றும் பாதுகாப்பு அமைச்சகத்திற்கு இது தெரியுமா? என கேள்வியை எழுப்பியுள்ளார்.
