அயோத்தியில் ராமர் கோவில் கட்டும் பணிகள் தீவிரமடைந்துள்ள நிலையில் நாளை அடிக்கல் நாட்டு விழா நடைபெற உள்ளது. இதில் பிரதமர் மோடி, முதல் மந்திரி யோகி ஆதித்யநாத் உள்ளிட்டோரும் கலந்துகொள்ள உள்ளனர். 1999ல் அயோத்தியில் ராமர் கோவில் கட்ட வேண்டும் என எல்.கே.அத்வானி மக்களை திரட்டியபோது அதில் ஆர்வமாய் செயல்பட்ட இந்துத்துவ இயக்கங்களில் சிவசேனாவும் முக்கியமானது. ஆனால் சிவசேனாவிற்கு இந்த விழாவிற்கு அழைப்பு விடுக்கப்படவில்லை என கூறப்படுகிறது.
மேலும் “ராமர் கோவில் கட்ட அடித்தளம் அமைத்தது சிவசேனாதான். பாபர் மசூதியை தகர்த்தது சிவசேனாவினர்தான் என பாஜக, விஸ்வ ஹிந்து பரிஷத் கூட ஒப்புக் கொண்டிருக்கிறார்கள். எனவே கோவில் கட்ட நாங்கள்தான் பாதை அமைத்துக் கொடுத்தோம். ராமர் கோவில் அமைவதில் எங்களுக்கு மகிழ்ச்சிதான். யாரும் அழைப்பிதழுக்காக காத்திருக்கவில்லை” என்று கூறியுள்ளார்.
