ஒன்றரை வயது குழந்தை ஜான்விதாவுக்கு ஒருவாரமாக சளி மற்றும் காய்ச்சல் இருந்ததால் கொரோனா பரிசோதனை மேற்கொண்டதில் கொரோனா தொற்று இருப்பது உறுதி செய்யப்பட்டது. இதையடுத்து குழந்தையை கே.ஜி.எச். அரசு மருத்துவமனையில் சேர்க்க ஆம்புலன்ஸில் அழைத்துச் சென்ற நிலையில் அங்கு குழந்தைக்கு ஆக்ஸிஜன் வசதியுடன் கூடிய படுக்கைக் கிடைக்கவில்லை. ஏற்கனவே எல்லா படுக்கைகளும் நிரம்பிவிட்டதாக மருத்துவர்கள் கூறியுள்ளனர். இதனால் மருத்துவமனைக்கு வெளியிலேயே குழந்தையின் பெற்றோர் இரண்டு மணிநேரமாக காத்திருந்துள்ளனர். ஆனால் படுக்கைக் கிடைக்கும் முன்னதாகவே குழந்தை ஆம்புலன்சிலேயே உயிரிழந்துள்ளது.
