இதனிடையே, இத்தாலியை சேர்ந்த 69 வயது முதியவர் ஒருவர் ராஜஸ்தானில் கொரோனா பாதிக்கப்பட்டு அனுமதிக்கப்பட்டிருந்தார். அவர் சிகிச்சை பலனின்றி தற்போது உயிரிழந்துள்ளார். இதனால் இந்தியாவில் கொரோனாவால் பலியானோர் எண்ணிக்கை 5 ஆக உயர்ந்துள்ளது.
இந்நிலையில் கொரோனா வைரஸ் இந்த மாதத்திற்குள் கட்டுக்குள் வந்துவிடும் என்பது கேள்விக்குறியே, பிற நாடுகளில் சிக்கி தவிக்கும் இந்தியர்களை மீட்டு கொண்டு வர வேண்டிய கடமை நமக்கிருப்பதால் தொற்று எண்ணிக்கை அதிகரிக்க கூடுமே தவிர குறைய வாய்ப்புகள் குறைவே என தெரிவித்துள்ளார் மகாராஷ்டிர சுகாதாரத்துறை அமைச்சர் ராஜேஷ் தோபே.
