பாஜகவில் இணைந்தவருக்கு பதவி கொடுத்த காங்கிரஸ்: நெட்டிசன்கள் கிண்டல்!

காங்கிரஸ் கட்சியில் இருந்து விலகி பாஜகவில் சேர்ந்த ஒருவருக்கு காங்கிரஸ் கட்சியின் நிர்வாகம் பதவி கொடுத்து இருப்பது பெரும் பரபரப்பை ஏற்படுத்தி உள்ளது

மத்திய பிரதேச மாநிலத்தில் கடந்த மார்ச் மாதம் காங்கிரஸ் கட்சியில் இருந்து விலகி பாஜகவில் இணைந்தார் ஹர்ஷித் சிங்காய் என்பவர் என்பது அனைவரும் அறிந்ததே 

இந்த நிலையில் இளைஞர் அணி பொதுச் செயலாளராக பாஜகவில் இணைந்த  ஹர்ஷித் சிங்காய்  அவர்கள் தேர்வு செய்யப்பட்டுள்ளதாக காங்கிரஸ் கட்சி அறிவிப்பு ஒன்றின் மூலம் தெரிவித்தது. இந்த அறிவிப்பு பெரும் பரபரப்பை ஏற்படுத்தி உள்ளது 

மூன்று ஆண்டுகளுக்கு முன் அந்த பதவிக்கு  ஹர்ஷித் சிங்காய்  விண்ணப்பம் செய்திருந்ததாகவும் இந்த நிலையில் காங்கிரஸ் கட்சியின் நிர்வாகம் அந்த மனுவை பரிசீலனை செய்து அவருக்கு அந்த பதவியை வழங்கி இருப்பதாகவும் கூறப்படுகிறது 

இதில் இருந்து காங்கிரஸ் கட்சிகள் யார் இருக்கிறார்கள்? கட்சியிலிருந்து விலகி மாற்றுக் கட்சியை சேர்ந்தவர்கள் என்பது கூட தெரியாத நிலையில் தான் காங்கிரஸ் கட்சி இருக்கிறது என  ஹர்ஷித் சிங்காய் விமர்சனம் செய்து உள்ளார் என்பது குறிப்பிடதக்கது. இதனையடுத்து காங்கிரசின் இந்த செயலை நெட்டிசன்கள் கேலியும் கிண்டலும் செய்து வருகின்றனர்