நாடு முழுவதும் 15 மாநிலங்களில்,56 மாநிலங்களவை உறுப்பினர்களின் பதவிக்காலம் முடிவடைவதால், அந்த இடங்களுக்கான தேர்தல் வரும் 27 ஆம் தேதி நடக்கவுள்ளது.
இதற்கான வேட்புமனு தாக்கலுக்கான கடைசி நாள், நாளையுடன் முடிவடையவுள்ளது.
இந்த நிலையில், ராஜ்யசபையின் (மாநிலங்களவை) 56 காலி இடங்களுக்கான தேர்தலுக்காக காங்கிரஸ், சமாஜ்வாதி ஆகிய கட்சிகள் தங்கள் கட்சி வேட்பாளர்களை அறிவித்து வரும் நிலையில், தேர்தலுக்கான போட்டியில் பாஜக வேட்பாளர் பட்டியல் வெளியிட்டுள்ளது.
இதுகுறித்து மத்திய இணையமைச்சர் எல். முருகன், பாரத தேசத்திற்கான பாரத மக்களுக்கான சேவை செய்வதற்கு மீண்டும் ஒரு வாய்ப்பைபினை வழங்கிய பாரத பிரதமர் நரேந்திரமோடி ஜி அவர்களுக்கும், தேசியத் தலைவர் திரு ஜே.பி. நட்டா அவர்களுக்கும், மத்திய உள்துறை அமைச்சர் அமித்ஷா அவர்களுக்கும், மரியாதைக்குரிய பி.எல்.சந்தோஷ் அவர்களுக்கும் நன்றிகளை தெரிவித்துக் கொள்கிறேன் என்று தெரிவித்துள்ளார்.
