கேரளாவை சேர்ந்த வாவா சுரேஷ் கடந்த 30 ஆண்டுகளாக பாம்புகளைப் பிடித்து வருகிறார். குடியிருப்புப் பகுதிகளில் புகுந்த 50,000-க்கும் மேற்பட்ட பாம்புகளை அவர் பிடித்துள்ளார். அதில் கொடிய விஷத்தன்மை உள்ள பாம்புகளும் உண்டு.
இந்த நிலையில், வாவா சுரேஷுக்கு கேரள மாநில வனத்துறை பாம்புகளை பிடிப்பதற்கான லைசென்ஸ் வழங்க முடிவு செய்துள்ளது. வாவா சுரேஷ் அறிவியல் பூர்வமாக பாம்புகளைப் பிடிப்பதில்லை என வனத்துறை அதிகாரிகள் கூறி வந்த நிலையில் தற்போது அவருக்கு அனுபவத்தின் அடிப்படையில் பாம்புகளை பிடிக்க லைசென்ஸ் வழங்கப்படவுள்ளது.
