அரிசி மாவு, பொட்டுக்கடலை மாவு, உப்பு, வெண்ணெய், ஊற வைத்த கடலைப்பருப்பு இவற்றை சிறிது தண்ணீர் சேர்த்து பிசிறிக் கொள்ள வேண்டும். காய்ந்த மிளகாய், மிளகு,பெருங்காயம், கறிவேப்பிலை இவற்றை கரகரப்பாக அரைத்து மாவுடன் சேர்க்க வேண்டும்.
சிறிது, சிறிதாக தண்ணீர் சேர்த்து சப்பாத்தி மாவு பதத்திற்கு பிசைய வேண்டும். மாவை சிறு சிறு உருண்டைகளாக உருட்டி வாழையிலை அல்லது பிளாஸ்டிக் ஷீட்டில் தட்டைகளாக தட்டி காய்ந்த எண்ணெயில் பொரித்தெடுக்க வேண்டும். சுவையான மொறுமொறுப்பான தட்டை தயார்.
குறிப்பு: தட்டைக்கு மாவு பிசையும் போது, கைகளில் நன்றாக எண்ணெய் தேய்த்துக் கொண்டு வாழையிலையில் தட்டி எடுத்தால், கைகளில் ஒட்டாமல் வரும்.