நவராத்திரியின் எட்டாம் நாள்: நரசிம்மி வழிபாட்டால் கிடைக்கும் பலன்கள் என்னென்ன?

நவராத்திரியின் எட்டாம் நாள், அன்னை பராசக்தியை நரசிம்மியாக வழிபடும் சிறப்புமிக்க நாளாகும். நரசிம்மரின் சக்தியாக விளங்கும் இவள், மனித உடலும் சிங்க முகமும் கொண்டு, சிங்க வாகனத்தில் அமர்ந்து காட்சியளிக்கிறாள். தீய சக்திகளை அழித்து பக்தர்களைக் காக்கும் ஆற்றல் கொண்டவள் இந்த அன்னை.

நரசிம்மி ராகு கிரகத்தின் ஆதிபத்தியம் கொண்டவர் என்பதால், இவரை வழிபடுவதன் மூலம் ராகு தோஷங்கள் நீங்கும்.

எதிர்பாராத வகையில் திடீர் செல்வத்தையும், புகழையும் நரசிம்மி அன்னை நமக்கு வழங்குவார்.

வெளிநாடு மற்றும் வெளிநாட்டுத் துறைகளில் இருந்து புதிய தொழில் மற்றும் வியாபார வாய்ப்புகள் கிடைக்கும்.

அரசு சார்ந்த காரியங்களில் ஆதரவும், வெற்றியும் கிட்டும்.

இவரை வழிபடுவதால் மனதில் புத்துணர்ச்சியும், உற்சாகமும் பிறக்கும்.

நரசிம்மி வழிபாடு முறை

நரசிம்மி வழிபாட்டிற்கு, காசுகளைக் கொண்டு தாமரை கோலம் போட வேண்டும். பிறகு, 18 அகல் விளக்குகளை எள் எண்ணெய் அல்லது கடுகு எண்ணெய் பயன்படுத்தி ஏற்ற வேண்டும். பாயசம் நிவேதனமாகப் படைக்க வேண்டும். பூஜைக்குப் பன்னீர் ரோஜா, செவ்வரளி பூக்கள் மற்றும் பன்னீர் இலைகளைப் பயன்படுத்தலாம்.

Edited by Mahendran