உக்ரைன் மீது ரஷ்யா தாக்குதல் நடத்தி வரும் நிலையில் சுமார் 8 லட்சம் பேர் உக்ரைனை விட்டு வெளியேறியுள்ளதாக ஐ.நா சபை தெரிவித்துள்ளது.
உக்ரைன் மீது ரஷ்யா படையெடுத்துள்ளது உலக நாடுகளை அதிர்ச்சியில் ஆழ்த்தியுள்ளது. உக்ரைனில் பல நாட்டு மக்களும் சிக்கியுள்ள நிலையில் பலர் அண்டை நாடுகளான லிதுவேனியா, லாட்வியா, பெலாரஸ் உள்ளிட்ட நாடுகளுக்கு தப்பி சென்று அங்கிருந்து சொந்த நாடுகளுக்கு செல்கின்றனர்.
இந்நிலையில் போர் காரணமாக உக்ரைனிலிருந்து 8.36 லட்சம் மக்கள் வெளியேறியுள்ளதாக ஐ.நா சபை தெரிவித்துள்ளது. அதில் 4.54 லட்சம் பேர் போலந்து நாட்டிற்கும், 1.16 லட்சம் பேர் ஹங்கேரிக்கும் தப்பி சென்றுள்ளனர். ஸ்லோவேகியாவிற்கு 67 ஆயிரம் பேரும், மால்டோவாவிற்கு 65 ஆயிரம் பேரும், ரஷ்யாவிற்கு 43,000 பேரும் தப்பி சென்றுள்ளனர்.