நடிகை நயன்தாரா இன்று தனது பிறந்தநாளை கொண்டாடி வரும் நிலையில் அவருடைய புதிய படத்தின் அறிவிப்பு வெளியாகி உள்ள நிலையில் இந்த அறிவிப்பு குறித்த போஸ்டர் இணையத்தில் வைரல் ஆகி வருகிறது.
லேடி சூப்பர் ஸ்டார் நயன்தாரா ஏற்கனவே சில படங்களில் நடித்துக் கொண்டிருக்கும் நிலையில் அவர் ட்ரம்ஸ்டிக் புரொடக்ஷன் என்ற நிறுவனத்தின் தயாரிப்பில் ஒரு திரைப்படத்தில் நடிக்க இருப்பதாக கடந்த சில நாட்களுக்கு முன்னால் அறிவிக்கப்பட்டிருந்தது. இந்த படத்தை செந்தில் நல்லசாமி என்பவர் இயக்க உள்ளார் என்பதும், கோவிந்த் வசந்தா இசையமைத்து உள்ளார் என்பதும் குறிப்பிடத்தக்கது.
கௌதம் ராஜேந்திரன் ஒளிப்பதிவில், பிரவீன் அந்தோணி படத்தொப்பில் உருவாகும் இந்த படம் தமிழ், தெலுங்கு, கன்னடம், மலையாளம், ஹிந்தி என ஐந்து மொழிகளில் உருவாக உள்ளது.
இந்த நிலையில் இன்று நயன்தாராவின் பிறந்தநாளை முன்னிட்டு இந்த படத்தின் டைட்டிலுடன் கூடிய பஸ்ட் போஸ்டர் வெளியாகி உள்ளது. இந்த படத்திற்கு ‘ராக்காயி’ என்று டைட்டில் வைக்கப்பட்டுள்ளது.
மேலும், கையில் ஆயுதங்களுடன் பின்னணியில் நூற்றுக்கணக்கான கிராமத்து மக்களுடன் கிராமத்து பெண் வேடத்தில் இருக்கும் நயன்தாரா ஆவேசமாக இருக்கும் காட்சியும் பர்ஸ்ட்போஸ்டரில் இருப்பதை அடுத்து, இந்த படம் பெரும் எதிர்பார்ப்பை ஏற்படுத்தி உள்ளதாக கூறப்படுகிறது.