கங்குவா படத்தில் சத்தம் அதிகமாக இருப்பதாக புகார் எழுந்துள்ள நிலையில், திரையரங்கு உரிமையாளர்களிடம் வால்யூமை இரண்டு புள்ளிகள் தயாரிப்பாளர் குறைக்க சொன்னதாக தகவல் வெளியாகி உள்ளன.
சூர்யா நடிப்பில், சிறுத்தை சிவா இயக்கத்தில், தேவி ஸ்ரீ பிரசாத் இசையில் உருவாகிய கங்குவா திரைப்படத்தை ஸ்டுடியோ கிரீன் நிறுவனத்தின் ஞானவேல் ராஜா தயாரித்திருந்த நிலையில், இந்த படம் நேற்று வெளியானது.
இந்த படம் பெரும்பாலும் நெகட்டிவ் விமர்சனங்களை பெற்று வருகிறது. குறிப்பாக, இசையமைப்பாளர் தேவி ஸ்ரீ பிரசாத் ஒரே சத்தமாக பின்னணி இசையை அமைத்துள்ளார் என்றும், காது ஜவ்வுகள் கிழியும் அளவுக்கு பின்னணி இசை இருப்பதாகவும் கிட்டத்தட்ட அனைத்து விமர்சகர்களும் கருத்துக்களை தெரிவித்தனர்.
இதனை அடுத்து, கங்குவா படத்தின் தயாரிப்பாளர் ஞானவேல் ராஜா, சத்தம் அதிகமாக இருப்பதாக விமர்சனம் எழுந்து உள்ள நிலையில், திரையரங்கு உரிமையாளர்களிடம் வால்யூமை இரண்டு புள்ளிகள் குறைக்க சொன்னதாக தகவல் வெளியாகியுள்ளன. இருப்பினும், இந்த படம் மிகப்பெரிய அளவில் நெகட்டிவ் விமர்சனங்கள் பெற்றுள்ளதை அடுத்து, சூர்யாவுக்கு இந்த படம் ஒரு தோல்வி படமாக தான் அமையும் என்று கூறப்பட்டு வருகிறது.