கௌதம் இயக்கத்தில் அஜீத், அனுஷ்கா நடித்து வரும் பெயரிடப்படாத படத்தில் த்ரிஷாவும் முக்கிய வேடத்தில் நடிக்கிறார். அவர் சம்பந்தப்பட்ட காட்சிகள் தற்போது படமாக்கப்பட்டு வருகிறது.
கௌதம் படம் இயக்கும் போதெல்லாம் முதல் சாய்ஸாக இருப்பவர் த்ரிஷா. கௌதம் - சூர்யா புராஜெக்ட் நின்று போனதற்கு கௌதம் த்ரிஷாவை நடிக்க வைக்க விரும்பியதும் ஒரு காரணம் என்று அப்போது கூறப்பட்டது. அஜீத் படத்திலும் அவர்தான் நாயகி என்று கூறப்பட்டது. பிறகு அனுஷ்காவை ஒப்பந்தம் செய்தனர்.
விஜய்யுடன் இணைந்து நடிக்கும் போதும் பிடித்த நடிகர் யார் என்றால் தயங்காமல் அஜீத்தின் பெயரை சொல்கிறவர் த்ரிஷா. சமீபத்தில்கூட பிடித்த நடிகர் என்று அவர் பெயரைதான் கூறினார். இந்த வாய்ப்பு அவருக்கு கிடைக்க இதுவும் ஒரு காரணம்.