மதுமிதா தற்போது வளசரவாக்கத்தில் உள்ள அன்பு நகரில் வசித்து வருகிறார். இவருக்கும், இவரின் வீட்டிற்கு அருகில் வசிக்கும் உஷா என்கிற பெண்ணிற்கும் அடிக்கடி தகராறு ஏற்பட்டு வந்துள்ளது. இதையடுத்து, மதுமிதா மீது உஷா காவல் நிலையத்தில் புகார் அளித்தார். இதைத் தொடர்ந்து விசாரணைக்கு வருமாறு மதுமிதாவை போலிசார் அழைத்துள்ளனர்.
இதனால் ஆத்திரம் அடைந்த மதுமிதா, நேராக உஷாவின் வீட்டிற்கு சென்று சண்டை போட்டுள்ளார். அப்போது ஏற்பட்ட வாக்குவாதம் முற்றியதில், உஷாவின் கையை பிடித்து மதுமிதா கடித்துள்ளார்.
