பாலஸ்தீனத்தின் காசா பகுதியில் ஆதிக்கம் செலுத்தி வரும் ஹமாஸ் கிளர்ச்சியாளர்களுக்கும், இஸ்ரேலுக்கும் கடந்த பல ஆண்டு காலமாக மோதல் இருந்து வரும் நிலையில் நேற்று ஹமாஸ் அமைப்பினர் திடீரென 5 ஆயிரத்திற்கும் அதிகமான ஏவுகணைகளை இஸ்ரேல் மீது ஏவி தாக்குதலில் ஈடுபட்டது பெரும் அதிர்ச்சியை ஏற்படுத்தியுள்ளது. அதை தொடர்ந்து இஸ்ரேலும் போரை அறிவித்ததுடன் ஹமாஸ் கிளர்ச்சியாளர்கள் ஆக்கிரமிப்பு பகுதியான காசா பகுதியிலும் தாக்குதல் நடத்தி வருகிறது.
இதனால் இரு தரப்பிலும் பலர் உயிரிழந்துள்ளனர். ஹமாஸ் அமைப்பிற்கு ஈரான், சவுதி நாடுகள் ஆதரவு தெரிவித்துள்ள நிலையில் அமெரிக்கா உள்ளிட்ட நாடுகள் ஹமாஸ் அமைப்பை கண்டித்துள்ளன. இஸ்ரேலில் போர் நடந்து வரும் நிலையில் அங்கு பல இந்தியர்களும் சிக்கியுள்ளதாக தகவல்கள் வெளியாகியுள்ளது.
