மத்திய பிரதேச மாநிலத்தில் ஓடும் ஆம்புலன்சில் சிறுமி பாலியல் வன்கொடுமை செய்யப்பட்டதாக வெளிவந்திருக்கும் தகவல் பெறும் அதிர்ச்சியை ஏற்படுத்தியுள்ளது.
மத்திய பிரதேசம் மாநிலத்தில் ஆம்புலன்ஸ் சேவை கிராமங்கள் முதல் நகரங்கள் வரை செயல்பட்டு வரும் நிலையில் அம்மாநிலத்தில் உள்ள ஹனுமனா என்ற தாலுகாவில் ஓடும் ஆம்புலன்சில் 16 வயது சிறுமி கூட்டு பாலியல் வன்கொடுமை செய்யப்பட்டதாக புகார் அளிக்கப்பட்டுள்ளது.
இந்த புகாரின் அடிப்படையில் சிறுமிக்கு மருத்துவ பரிசோதனை செய்தபோது பாலியல் வன்கொடுமைக்கு ஆளானது உறுதி செய்யப்பட்டுள்ளது. கடந்த 25ஆம் தேதி ஆம்புலன்ஸில் வந்த இருவர் தன்னை வலுக்கட்டாயமாக கடத்தி சென்று ஓடும் ஆம்புலன்ஸில் கூட்டு பாலியல் வன்கொடுமை செய்ததாக அந்த சிறுமி வாக்குமூலம் அளித்துள்ளார்.
இது குறித்து ஆம்புலன்ஸ் டிரைவர் வீரேந்திர சதுர்வேதி மற்றும் அவரது நண்பர் ராஜேஷ் ஆகிய இருவரையும் காவல்துறை கைது செய்து விசாரணை செய்து வருகிறது. இந்த சம்பவம் அந்த பகுதியில் பெரும் அதிர்ச்சியை ஏற்படுத்தியுள்ளது.