மகளிர் டி20 உலகக் கோப்பை தொடருக்கான 15 பேர் கொண்ட பட்டியலை இந்திய அணி அறிவித்துள்ளது. கூடுதலாக மூன்று வீராங்கனைகள் அணியில் சேர்க்கப்பட்டுள்ளனர்.
வங்கதேசத்தில் வரும் அக்டோபர் மாதம் மகளிர் டி20 உலகக் கோப்பை தொடர் நடைபெற இருந்தது. ஆனால், வங்கதேச நாட்டில் கலவரம் காரணமாக அசாதாரண சூழல் நிலவி வருவதால், ஐக்கிய அரபு அமீரகத்தில் மகளிர் டி20 உலகக் கோப்பை தொடர் மாற்றப்பட்டுள்ளது.
இந்நிலையில் மகளிர் டி20 உலகக் கோப்பை தொடரில் பங்கேற்கும் இந்திய அணி வீராங்கனைகள் அறிவிக்கப்பட்டுள்ளனர்
இதுவரை இந்திய மகளிர் அணி ஒரு முறை கூட டி20 உலகக் கோப்பையை வென்றதில்லை. இந்த முறை இந்திய அணி பலமாக இருக்கும் நிலையில் உலகக் கோப்பை வெல்ல அதிக வாய்ப்புள்ளது என கிரிக்கெட் ரசிகர்கள் கருத்து தெரிவித்துள்ளனர்.