பெட்ரோலிய விலையில் ஸ்திரத்தன்மையை உண்டாக்கும் நோக்கத்துடன், உற்பத்தியை பெரிய அளவில் குறைப்பதற்கு ரஷ்யாவுடன் ஒப்பந்தம் ஒன்றை எட்ட முயற்சித்தது மிகப் பெரிய எண்ணெய் உற்பத்தியாளரான சௌதி அரேபியா. ஆனால், அதற்கு ரஷ்யா ஒப்புக்கொள்ளவில்லை. அந்த முயற்சி தோல்வியடைந்ததை அடுத்து, சௌதி அரேபியா எண்ணெய் விலையை குறைத்தது.
இந்த எண்ணெய் சரிவு நிகழ்ந்திருக்கும் நிலையில் இந்தியாவின் மும்பை பங்குச் சந்தையின் குறியீட்டு எண் சென்செக்ஸ், திங்கள்கிழமை சந்தை தொடங்கியதிலிருந்து இதுவரை 1,635 புள்ளிகள் சரிந்துள்ளது குறிப்பிடத்தக்கது.
