அமெரிக்காவில் வெண்தலை கழுகு, கடந்த 1782 ஆம் ஆண்டு அமெரிக்க அரசு முத்திரையில் இடம்பெற்று இருந்த நிலையில், அனைத்து அமெரிக்க அரசு ஆவணங்களிலும் இந்த சின்னம் பொறிக்கப்பட்டு வருகிறது. இந்த நிலையில், கடந்த 240 ஆண்டுகளுக்கு மேலாக வெண்தலை கழுகு அமெரிக்க அரசின் அதிகார சின்னமாக இருந்து வந்துள்ளது.
இந்த நிலையில், அமெரிக்காவின் தேசிய பறவையாக வெண்தலை கழுகை அறிவிக்கும் மசோதா சமீபத்தில் நாடாளுமன்றத்தில் நிறைவேற்றப்பட்டது. அதில், அதிபர் ஜோ பைடன் கையெழுத்திட்டு அதை உறுதி செய்துள்ளார். இருப்பினும் இன்னும் ஒரே மாதத்தில் அவர் பதவி விலக இருக்கும் நிலையில், அடுத்து பதவிக்கு வரும் டிரம்ப் அதை மாற்றுவாரா அல்லது இதே பறவை அமெரிக்க அரசின் தேசிய பறவையாக நீடிக்குமா என்பதை பொறுத்திருந்துதான் பார்க்க வேண்டும்.
