இந்நிலையில் சமீபத்தில் அதிபர் மாளிகையில் இருந்த பதுங்கு குழியில் இருந்து சில போராட்டக்காரர்கள் கட்டுக்கட்டாக பணம் எடுத்த வீடியோ சமூக வலைதளங்களில் வெளியாகி வைரலானது. அந்த ரகசிய அறையில் இருந்து சுமார் 78 லட்ச ரூபாயை மக்கள் கைப்பற்றியுள்ளனர். இதனால் ராஜபக்சேவின் அலுவலகத்தில் புகுந்த மக்களும் லாக்கர்களை உடைத்து பார்த்ததாக கூறப்படுகிறது.
அதை தொடர்ந்து அதிபர் மாளிகைக்கு வரும் மக்களின் கூட்டம் அதிகரித்துள்ளது. பலரும் அந்த ஆடம்பரமான மாளிகையில் வந்து குடும்பத்தோடு தங்கி செல்வதாகவும், பலர் அங்கிருந்த விலை உயர்ந்த பொருட்களை சூறையாடி சென்றதாகவும் தகவல்கள் வெளியாகியுள்ளது.
