ஆனால் திருமணம் செய்யப்பட்ட பெண்கள் சீனர்களின் வயதில் பாதி அளவுகூட எட்டாத இளம் பெண்கள் என்பது தெரிய வந்துள்ளது. பல பாகிஸ்தான் குடும்பங்கள் பணத்திற்கு ஆசைப்பட்டு தங்கள் பெண்களை சீனர்களுக்கு மணம் செய்து கொடுப்பதாகவும், ஆனால் அங்கு அந்த பெண்கள் அடிமைகளாக நடத்தப்படுவதாகவும், பாலியல் தொழிலில் ஈடுபடுத்தப்படுவதாகவும் கூறப்படுகிறது.
இந்த தகவல்களுக்கு எதிர்வினையாற்றியுள்ள சமூக ஆர்வலர்கள் பணம் வாங்கி கொண்டு பெண்ணை கொடுப்பது ஒரு வகையில் அந்த பெண்ணை விற்பது போலதான். எனவே இதை கடத்தல் போன்ற சட்டத்திற்கு புறம்பான விஷயமாகவே கருத வேண்டும். பணத்திற்காக சீனாவுக்கு கடத்தப்பட்ட பெண்களை மீட்க பாகிஸ்தான் அரசு நடவடிக்கை எடுக்க வேண்டும் என அவர்கள் வலியுறுத்தியுள்ளனர்.
