மாலத்தீவு அதிபராக சமீபத்தில் பதவியேற்ற முகமது முய்சு சீன ஆதரவாளராக கருதப்படுகிறார். இந்த நிலையில் சமீபத்தில் மாலத்தீவு நாடாளுமன்றத்தில் மாலத்தீவு ஜனநாயக கட்சி எம்பி அகமது, தேசிய மக்கள் காங்கிரஸ் எம்.பி. அப்துல்லா ஷாஹீம் ஆகியோர் இடையே கடும் மோதல் ஏற்பட்டது.
இந்த நிலையில் நாடாளுமன்ற அவைத் தலைவர் முகமது அஸ்லாம், துணைத் தலைவர் அகமது சலீம் ஆகியோருக்கு எதிராக மாலத்தீவு முற்போக்கு கட்சி மற்றும் தேசிய மக்கள் காங்கிரஸ் கட்சியினர் நம்பிக்கையில்லாத் தீர்மானம் கொண்டு வந்தனர்.
இந்தியாவுக்கு எதிரான நிலையை மாலத்தீவு அரசு கடைப்பிடித்து வருவதாகவும், இது மாலத்தீவுக்கும், மாலத்தீவு மக்களுக்கும் கேடு விளைவிக்கும் என்றும் அதிபருக்கு எதிராக பதவி நீக்கத் தீர்மானத்தை கொண்டு வருவதாகவும் எதிர்க்கட்சிகள் அறிவித்துள்ளன. இந்த தீர்மானம் வெற்றி பெற்றால் மாலத்தீவு அதிபரின் பதவி பறிபோகும் என்பது குறிப்பிடத்தக்கது.
