தயாரிப்பாளர் வேந்தர் மூவிஸ் மதன், காசியில் சமாதியாவதாக கடிதம் எழுதி வைத்துவிட்டு தலைமறைவானது பரபரப்பை ஏற்படுத்தியுள்ளது.
கடந்த சில தினங்களாக மதனின் கடிதம் குறித்துதான் தமிழ் சினிமா அதிகம் கவலைப்படுகிறது.
மதனின் தாயாரும், மனைவியும் கமிஷனர் அலுவலகம் வந்து, மதனை கண்டுபிடித்து தரும்படி மனு அளித்துள்ளனர். இந்நிலையில் திருச்சி மாவட்டம் மணப்பாறையைச் சேர்ந்த வெங்கடேசன் என்பவர், தனது மகனுக்கு மருத்துவ சீட் வாங்கித் தருவதாகக் கூறி மதன் 52 லட்சம் மோசடி செய்ததாக புகார் அளித்துள்ளார்.
மதன் இதுபோல் பலரிடம் மருத்துவ சீட் வாங்கித் தருவதாக பணம் வாங்கியுள்ளதாகவும் அவர் குற்றஞ்சாட்டியுள்ளார்.
மதனின் தலைமறைவும், இந்த குற்றச்சாட்டும் மதன் விவகாரத்தை மேலும் சிக்கலுக்குள்ளாக்கியுள்ளது.