இதையடுத்து ப்ரதீப் நடிப்பு மற்றும் இயக்கம் என இரண்டிலும் கவனம் செலுத்த உள்ளதாக தகவல்கள் வெளியாகியுள்ளன. முதல் கட்டமாக விக்னேஷ் சிவன் இயக்கத்தில் ஒரு படம் நடிக்க உள்ளார் என தகவல்கள் சில மாதங்களுக்கு முன்னர் வெளியாகின. இந்த படத்தை கமல்ஹாசனின் ராஜ்கமல் பிலிம்ஸ் நிறுவனம் தயாரிக்கும் என சொல்லப்பட்டது. இதற்கான முதல் கட்ட வேலைகள் நடந்து வந்தன.
இந்நிலையில் இப்போது இந்த படத்தில் நடிகர் எஸ் ஜே சூர்யா இணைய உள்ளதாக தகவல் வெளியாகியுள்ளது. மேலும் இந்த படத்தை தயாரிக்க இருந்த ராஜ்கமல் பிலிம்ஸ் நிறுவனம் இந்த படத்தில் இருந்து விலகி உள்ளதாக சொல்லப்படுகிறது. இதற்குக் காரணம் படத்தின் பட்ஜெட்டை ஏகத்துக்கும் அதிகமாக இழுத்துவிட்டதுதானாம். படத்தில் ப்ரதீப்புக்கு 20 கோடி ரூபாய் சம்பளம் என்றும், விக்னேஷ் சிவனுக்கு 10 கோடி ரூபாய் சம்பளமென்றும் சொல்லி ராஜ்கமல் பிலிம்ஸை திடுக்கிட வைத்தார்களாம். அதனால் ராஜ்கமல் பிலிம்ஸ் நிறுவனம் விலகிவிட இப்போது லியோ படத்தின் தயாரிப்பு நிறுவனமான செவன் ஸ்கீர்ன் நிறுவனம் இந்த படத்தை தயாரிக்க முன்வந்துள்ளதாக சொல்லப்படுகிறது.
