பெண் கல்வியை வலியுறுத்தும் விழிப்புணர்வு மாரத்தான் சென்னை தீவுத்திடலில் நேற்று நடந்தது. ஆயிரக்கணக்கானவர்கள் கலந்து கொண்ட இந்த மாரத்தானை நடிகர் விஷால் கொடி அசைத்து தொடங்கி வைத்தார்.
நிகழ்வில் பேசிய விஷால், "பெண் கல்வி விழிப்புணர்வு மாரத்தான் ஓட்டத்துக்கு அதிகாலையிலேயே ஏராளமான பெண்கள் திரண்டு வந்திருப்பது மகிழ்ச்சியானது. பெண்கள் தற்போது அரிய சாதனைகளை செய்து வருகிறார்கள். அனைத்து துறைகளிலும் சிறப்பாக செயல்படுகிறார்கள்.
பெண்கள் கல்வி கற்பது ஒட்டு மொத்த குடும்பத்தின் வளர்ச்சிக்கும் துணை நிற்கிறது. சமுதாயத்தில் பெண்களும் சொந்தக் காலில் நிற்பதற்கு கல்வியே அடிப்படை. எனவே பெண் கல்வி பற்றிய விழிப்புணர்வை அடித்தட்டில் இருக்கும் பெண்கள் வரை கொண்டு சேர்ப்பது நமது கடமை" என்றார்.
மேலும், பெண்களின் முன்னேற்றத்துக்கு தன்னால் முடிந்த உதவிகளை செய்ய தயாராக இருப்பதாகவும் தெரிவித்தார்.