விஜய் சேதுபதியின் 50 ஆவது படமான மகாராஜா இன்று வெளியாகி நேர்மறையான விமர்சனங்களைப் பெற்று வெற்றிகரமாக ஓடிவருகிறது. இந்த படத்தில் அனுராக் காஷ்யப், மம்தா மோகன்தாஸ், நட்ராஜ் நட்டி மற்றும் பாய்ஸ் மணிகண்டன் ஆகியோர் முக்கிய வேடத்தில் நடித்துள்ளனர். படத்துக்கு ஆகானாஷ் லோக்நாத் இசையமைக்கிறார். இந்த படம் ஒரு ஆக்ஷன் படமாக உருவாகியுள்ளது. சமீபத்தில் படத்தின் டிரைலர் ரிலீஸாகி படத்தின் மீது எதிர்பார்ப்பை ஏற்படுத்தி இருந்தது.
கடந்த சில ஆண்டுகளாக விஜய் சேதுபதி ஹீரோவாக நடித்த படங்கள் எதுவுமே ஓடவில்லை என்பதால் இந்த வெற்றி அவருக்கு மிகவும் முக்கியமானதாக அமையும். படத்தின் முதல் பாதி மெதுவாக நகர்ந்தாலும், இரண்டாம் பாதி விறுவிறுப்பாக செல்வதாகவும், அதிலும் குறிப்பாக க்ளைமேக்ஸ் காட்சி எதிர்பார்க்காத ஒன்றாக அமைந்துள்ளதாக சொல்லப்படுகிறது.
இந்நிலையில் படத்துக்கு உலகளவில் நல்ல வரவேற்புக் கிடைத்து வருகிறது. இந்த படம் உலகம் முழுவதும் உத்தேசமாக 7 கோடி ரூபாய் அளவுக்கு வசூலித்துள்ளதாக தகவல்கள் வெளியாகியுள்ளன. படத்துக்கு நல்ல விமர்சனங்கள் கிடைத்துள்ளதால் வார இறுதிநாட்களில் படத்தின் வசூல் அதிகமாகும் என எதிர்பார்க்கப்படுகிறது. இந்த ஆண்டு தொடக்கத்தில் இருந்து தமிழ் சினிமா தோல்வி படங்களாக எதிர்கொண்ட நிலையில் அடுத்தடுத்து சூரி மற்றும் மகாராஜா ஆகிய படங்கள் வெற்றியைப் பெற்று வருவது மகிழ்ச்சியான விஷயமாக அமைந்துள்ளது.
