சென்னை தவிர தமிழகம் முழுவதும் மார்ச் 16ஆம் தேதியில் இருந்து திரையரங்க உரிமையாளர்கள் வேலைநிறுத்தத்தில் ஈடுபட்டதால் அனைத்து திரையரங்குகளும் மூடப்பட்டன. ஆனாலும் தற்போதைய டெக்னாலஜியின் காரணமாக பொதுமக்களுக்கு எந்தவித பாதிப்பும் ஏற்படவில்லை. இணையதளங்கள் தேவையான திரைப்படங்களை பார்க்க உதவுகின்றன. மேலும் புதிய படங்கள் வெளியாகாததால் தியேட்டர் மூடல் என்பது மக்களுக்கு ஒரு பிரச்சனையாகவே தெரியவில்லை
இதுகுறித்து திரையரங்கு உரிமையாளர்கள் சங்கத் தலைவர் அபிராமி ராமநாதன் செய்தியாளர்களிடம் கூறியபோது, 'இன்று மாலை திரையரங்கு உரிமையாளர்கள், தமிழக அரசு அதிகாரிகள் இடையே பேச்சுவார்த்தை நடத்தப்பட்டது. அதில் திரையரங்கு உரிமையாளர்களின் கோரிக்கையை நிறைவேற்றுவதாக அரசு அதிகாரிகள் உத்தரவாதம் அளித்துள்ளதால் நாளை முதல் திரையரங்குகள் இயங்கும்' என்று கூறினார்.
