கடைசியாக அட்லீ இயக்கத்தில் வெளிவந்த மெர்சல் திரைப்படம் ரஜினி நடித்த மூன்று முகத்தின் அச்சு அசல் காப்பி என்று பலருக்கும் பச்சையாக தெரிந்தது. வழக்கமாக அட்லீ இயக்கிய படங்கள் வெளியான பின்பு தான் பழைய படங்களை காபி செய்துவிட்டார் என்கிற விமர்சனம் எழும். ஆனால், இந்த முறை படம் வெளியாகுவதற்கு முன்பே தளபதி 63 படத்தை என்னுடைய கதையை வைத்துதான் இயக்குகிறார் என்று அட்லீ மீது துணை இயக்குனர் செல்வா என்பர் பகிரங்கமாக குற்றம் சாட்டி நீதி மன்றத்தில் வழக்கு தொடர்ந்தார்.
இந்நிலையில் தற்போது இதுகுறித்து பேசியுள்ள செல்வா, அஜித் சார் கூட தான் ரஜினியின் பில்லா படத்தை கையிலெடுத்தார். அப்போது அவர் நினைத்திருந்தால், ரைட்ஸ் வாங்காமல், அப்படியே எடுத்துவிட்டு, வேறு ஒரு டைட்டில் வைத்து ரிலிஸ் செய்திருக்கலாம். ஆனால் அவர் அப்படி செய்யவில்லை. அந்த நேர்மை ஏன் இவர்களிடம் (அட்லீ) இல்லை? கதை, திரைக்கதை, வசனம், இயக்கம் என அனைத்திலும் உங்கள் பெயர் வரவேண்டும் என்று நினைக்கிறீர்கள் இது நியாயமா என்று கடுமையாக பேசியுள்ளார்.
