ஜெயிலர் என்ற சூப்பர் ஹிட் படத்துக்குப் பிறகு ரஜினிகாந்த் த செ ஞானவேல் இயக்கத்தில் ரஜினி நடித்துள்ள வேட்டையன் திரைப்படம் இன்று ரிலீஸாகியுள்ளது. படத்தில் துஷாரா விஜயன், ரித்திகா சிங், மஞ்சு வாரியர், ராணா டகுபதி, பஹத் பாசில் மற்றும் அமிதாப் பச்சன் ஆகியோர் முக்கிய வேடங்களில் நடித்துள்ளனர். அனிருத் இசையிக், எஸ் ஆர் கதிர் ஒளிப்பதிவில் வேட்டையன் படம் உருவாகியுள்ளது.
இந்நிலையில் நடிகர் சூர்யா வேட்டையன் திரைப்படத்துக்கு வாழ்த்து தெரிவித்து பதிவிட்டுள்ளார். அதில் “வேட்டையன் படத்துக்கு வாழ்த்துகள். படம் சிந்தனையைத் தூண்டும் விதமாகவும், பொழுதுபோக்கு அம்சங்களோடும் இருக்கும் என நம்புகிறேன். தமிழ் சினிமாவுக்கு வந்துள்ள அமிதாப் பச்சன் அவர்களுக்கு வாழ்த்துகள். ரஜினி சாருக்கு வாழ்த்துகள். இயக்குனர் ஞானவேல் உள்ளிட்ட படக்குழுவினர் அனைவருக்கும் வாழ்த்துகள்” எனக் கூறியுள்ளார்.
