பாலிவுட் கவர்ச்சி நடிகை சன்னி லியோன் சமீபத்தில் நடித்த காண்டம் விளம்பரத்தால் தற்போது சர்ச்சையில் சிக்கியுள்ளார். இதனையடுத்து இந்த விளம்பரத்தை பார்ப்பவர்கள் எண்ணிக்கை தற்போது அதிகரித்துள்ளது.
பிரபல கவர்ச்சி நடிகை அடிக்கடி கவர்ச்சி தொடர்பான பல சர்ச்சைகளில் சிக்குவார். இவர் பல காண்டம் விளம்பரங்களில் நடித்துள்ளார். இவர் நடித்த சில காண்டம் விளம்பரங்கள் தணிக்கை துறையால் வெளியிடப்படும் முன்னரே தடை செய்யப்பட்டுள்ளது.
இந்நிலையில் சமீபத்தில் இவர் நடித்த காண்டம் விளம்பரம் தொலைக்காட்சியில் ஒளிபரப்பப்படுவதற்கு அத்வாலேவின் இந்தியக் குடியரசுக் கட்சி எதிர்ப்பு தெரிவித்துள்ளது. அந்த விளம்பரத்தில் சன்னி லியோன் செய்யும் ஆபாச செய்கைகள் வன்மையாக கண்டிக்கத்தக்கது என அந்த கட்சி கூறியுள்ளது.
இந்த விவகாரத்தை மத்திய தகவல் தொலைத்தொடர்பு அமைச்சகத்தின் பார்வைக்கு கொண்டு செல்ல இருப்பதாக அந்த கட்சியின் மகளிர் அணி தலைவி கூறியுள்ளார். இந்த விளம்பரத்தில் சன்னி லியோன் செய்யும் ஆபாச செய்கை இந்திய கலாச்சாரத்துக்கு எதிரனது இதில் அரசு தலையிட்டு நடவடிக்கை எடுக்காவிட்டால் மாநில மகளிர் ஆணையத்தில் புகார் அளிக்கப்படும் எனவும் அவர் கூறியுள்ளார்.