படத்தின் ரிலிஸ் ஜனவரி மாதம் 23 ஆம் தேதி என முடிவு செய்யப்பட்டு பணிகள் நடந்தன. ஆனால் ஜனவரி மாதம் தெலுங்கில் பல பிரம்மாண்டமான பட்ஜெட் படங்கள் ரிலீஸாக உள்ளதால் சர்காரு வாரிபட்டா படத்தின் ரிலீஸை ஏப்ரல் 1 ஆம் தேதிக்கு மாற்றியுள்ளதாக படக்குழு முன்பு அறிவித்திருந்தது. இந்நிலையில் இப்போது மறுபடியும் ஒரு மாதம் தள்ளிவைக்கப்பட்டு மே 12 ஆம் தேதி ரிலீஸ் ஆகும் என படக்குழு அறிவித்துள்ளது.
இந்நிலையில் சமீபத்தில் இந்த படத்தின் டிரைலர் ரிலீஸ் ஆகி இணையத்தில் கவனத்தை ஈர்த்துள்ளது. வழக்கமாக மகேஷ் பாபுவின் படங்களில் ஆக்ஷன், காதல், செண்ட்டிமெண்ட் என கலந்துகட்டி இருக்கும். அதுபோலவே சர்காரு வாரிபட்டா படத்தின் டிரைலரும் அமைந்துள்ளது. இந்நிலையில் முதல்முறையாக தெலுங்கு பிராந்திய மொழிப்படம் ஒன்றுக்கு டிவிட்டரில் தனி எமொஜி உருவாக்கப்பட்டுள்ளது. இதற்கு முன்பாக பேன் இந்தியா படங்களுக்கு மட்டுமே இதுபோல எமோஜிகள் வெளியாகின என்பது குறிப்பிடத்தக்கது.
