உலக மகளிர் தினத்தில் ராதிகா பேருந்து ஓட்டும் வீடியோவை வெளியிட இருக்கிறது, இப்படை வெல்லும் படக்குழு.
உதயநிதி நடித்துவரும் இப்படை வெல்லும் படத்தை கௌரவ் இயக்கி வருகிறார். அச்சம் என்பது மடமையடாவில் அறிமுகமான மஞ்சிமா மோகன் நாயகி. இதில் உதயநிதியின் அம்மாவாக ராதிகா நடித்து வருகிறார்.
கதைப்படி அவர் மாநகர பேருந்து ஓட்டும் ஓட்டுநர். ராதிகாவுக்கு கார் ஓட்டத் தெரியும். பேருந்து ஓட்டத் தெரியாது. அதனால் விழுப்புரத்தில் இருந்து பயிற்சியாளரை வரவழைத்து பேருந்து ஓட்ட ராதிகா கற்றுக் கொண்டிருக்கிறார்.
ராதிகா பேருந்து ஓட்டும் வீடியோவை வரும் உலக மகளிர் தினத்தில் வெளியிட இருப்பதாக கௌரவ் கூறினார். மகளிரை சிறப்பித்த மாதிரியும் இருக்கும், படத்துக்கு விளம்பரமாகவும் இருக்கும். ஒரே கல்லில் ரெண்டு மாங்கா.