தெலுங்கு நடிகர் அல்லு அர்ஜுன் நடிப்பில் சுகுமார் இயக்கத்தில் கடந்த 2021 ஆம் ஆண்டு டிசம்பர் 18 ஆம் தேதி வெளியான படம் புஷ்பா. இந்த படம் தமிழ், தெலுங்கு, இந்தி மற்றும் கன்னடம் ஆகிய மொழிகளில் பேன் இந்தியா படமாக வெளியானது. கிட்டத்தட்ட 350 கோடி ரூபாய்க்கு மேல் இந்த படம் வசூலித்ததாக தகவல்கள் வெளியாகின.
இந்தியா முழுவதும் ஒரு பிராண்ட்டாக மாறியது புஷ்பா 2 திரைப்படம். இந்நிலையில் அதன் இரண்டாம் பாகம் மிக பிரம்மாண்டமாக தற்போது உருவாக்கப்பட்டு வருகிறது. அதன் படப்பிடிப்பு பல வெளிநாடுகளில் நடப்பதாக தகவல்கள் வெளியாகியுள்ளன. இரண்டாம் பாகத்தை சுமார் 400 கோடி ரூபாய் மதிப்பில் உருவாக்கப்பட்டு வருவதாக சொல்லப்படுகிறது. இந்த படம் ஆகஸ்ட் 15 ஆம் தேதி வெளியாகும் என அறிவிக்கப்பட்டுள்ளது.
ஆனால் இப்போது படத்தின் போஸ்ட் புரொடக்ஷன் பணிகளில் தாமதம் ஏற்படும் என சொல்லப்படுவதால் அந்த தேதியில் படம் ரிலீஸாகாது என அதிகாரப்பூர்வமற்ற தகவல்கள் பரவின. அதனால் அந்த தேதியில் படங்களை ரிலீஸ் செய்ய மற்ற தயாரிப்பாளர்கள் முயற்சி எடுத்து வருகின்றனர். ராம் பொத்தினேனி நடிப்பில் பூரி ஜெகன்னாத் இயக்கத்தில் உருவாகியுள்ள டபுள் இஸ்மார்ட் திரைப்படம் ஆகஸ்ட் 15 ஆம் தேதி ரிலீஸ் ஆகும் என அறிவிக்கப்பட்டுள்ளது. அதே போல தமிழில் தங்கலான் திரைப்படம் ஆகஸ்ட் 15 ஆம் தேதி ரிலீஸ் ஆகும் என சொல்லப்படுகிறது.
