பாலிவுட்டில் சூப்பர் ஹிட் வெற்றி பெற்ற ’அந்தாதூன்’ என்ற திரைப் படத்தின் தமிழ் ரீமேக் படத்தில் பிரசாந்த் நடிக்க உள்ளார். படத்தை பொன்மகள் வந்தாள் புகழ் ஜே ஜே பிரட்ரிக் இயக்க உள்ளதாக சொல்லப்படுகிறது. முன்னதாக இயக்க சம்மதம் தெரிவித்த மோகன்ராஜா லூசிபர் தெலுங்கு ரீமேக்கை இயக்க சென்றதால் இந்த படத்தில் இருந்து விலகிக்கொண்டார்.
இந்நிலையில் இப்போது மலையாளத்திலும் இந்த படம் ரீமேக் செய்யப்பட உள்ளது. ஒளிப்பதிவாளரும் யான் படத்தின் இயக்குனருமான ரவி கே சந்திரன் இந்த படத்தை இயக்க மலையாள சூப்பர் ஸ்டார் நடிகர் பிருத்விராஜ் கதாநாயகனாக நடிக்க உள்ளாராம். தபு கதாபாத்திரத்தில் மம்தா மோகன்தாஸ், ராதிகா ஆப்தே கதாபாத்திரத்தில் அஹானா கிருஷ்ணா ஆகியோர் நடிக்கவுள்ளதாகச் செய்திகள் வெளியாகியுள்ளன.
