இந்தி, தமிழ், தெலுங்கு என அனைத்து மொழிகளில் பெரிய பட்ஜெட்டில் தயாரானாலே பேன் இந்தியாவாக தயாரிக்கப்படும் படங்களின் வரிசையில் அடுத்ததாக களம் இறங்குகிறது ரன்பீர் கபூர் நடித்த அனிமல்.
பிரபல இந்தி நடிகர் ரன்பீர் கபூர், அவருக்கு அப்பாவாக அனில் கபூர், நாயகியாக ராஷ்மிகா மந்தனா உள்ளிட்ட பலரும் இந்த படத்தில் நடித்துள்ளனர். தமிழ், தெலுங்கு, இந்தி என பேன் இந்தியாவை ப்ளான் செய்து தயாராகியுள்ள இந்த படத்தின் தமிழ் உள்ளிட்ட அனைத்து மொழி ட்ரெய்லர்களும் தற்போது வெளியாகியுள்ளது.
அர்ஜுன் ரெட்டியில் விஜய் தேவரகொண்டாவிடம் இருந்த அதே கோபம், சோகம், வேகம் எல்லாம் ரன்பீர் கபூருக்கும் பொருந்தி போகிறது. முழுக்க தந்தை மகன் இடையேயான பாசம் மற்றும் பிரச்சினைகளை மையப்படுத்திய ஆக்ஷன் படமாக இதை எடுத்துள்ளனர். சிறுவயதிலிருந்து தன்னை தன் அப்பா எப்படி நடத்தினார் என தன் அப்பாவிடமே நடித்துக் காட்டும் காட்சிகளில் ரன்பீர் கபூர் நடிப்பு பிரமாதம். சந்தோஷ் சுப்ரமணியம் ஜெயம் ரவி போல அப்பா சொல்வதையே வேதவாக்காக கொண்டு அவருக்கு பிடித்த மகனாக இருக்கு விரும்பும் ரன்பீர் கபூர். தனது தந்தையை கொல்ல மர்ம நபர் ஒருவர் முயற்சிக்கவும் அனிமல் ஆகிவிடுகிறார்.
