தமிழ் சினிமாவில் சூப்பர் ஸ்டார் அடைமொழி யாருக்கு என ரஜினி, விஜய் இடையே போட்டி நிலவுவதாக அரசல்புரசலாக பேசிக்கொள்ளப்பட்ட நிலையில், ஜெயிலர் ஆடியோ வெளியீட்டு விழாவில் ரஜினிகாந்த் சொன்ன ‘காக்கா – கழுகு’ உவமை கதை பேசுபொருளானது.
சமீபத்தில் சென்னை கேகே நகரில் தமிழ்நாடு வணிகர் சங்க கட்டிடம் திறக்கப்பட்டது. இந்த விழாவில் கலந்து கொண்டு பேசிய லெஜெண்ட் சரவணன் “இன்று மக்களின் பொழுதுபோக்கு அம்சங்களில் முக்கியமான இடத்தில் சினிமா உள்ளது. ஆனால் அதில் காக்கா – கழுகு சண்டை, இவருக்கு இந்த பட்டம், அவருக்கு அந்த பட்டம் என்ற போட்டிகளால் யாருக்கும் எந்த பயனும் இல்லை. நாம் உழைத்தால் மட்டுமே நாம் உயர முடியும். அதுவே நிதர்சனம்” என தெரிவித்துள்ளார்.
