மணிரத்னத்துக்கு நான் வைத்த பட்டப்பெயர் இதுதான்… கமல்ஹாசன் பகிர்ந்த தகவல்!

பொன்னியின் செல்வன் படத்தின் மூலமாக பல ஆண்டுகளுக்குப் பிறகு கமர்ஷியல் வெற்றியைப் பெற்ற இயக்குனர் மணிரத்னம் அடுத்து இப்போது கமல்ஹாசனை வைத்து தக் லைஃப் படத்தை இயக்ககியுள்ளார். இந்த படத்தில் கமல்ஹாசனுடன் சிம்பு, திரிஷா, ஜோஜு ஜார்ஜ், கௌதம் கார்த்திக், அசோக் செல்வன் மற்றும் ஐஸ்வர்யா லஷ்மி உள்ளிட்டோர் நடிக்கின்றனர்.

ஏ ஆர் ரஹ்மான் இசையமைக்கிறார். கமல்ஹாசன், உதயநிதி ஸ்டாலின் மற்றும் மணிரத்னம் ஆகிய மூவரும் இணைந்து தயாரிக்கின்றனர். படத்தின் ஷூட்டிங் நிறைவடைந்து போஸ்ட் புரொடக்‌ஷன் பணிகள் விறுவிறுப்பாக நடந்து வருகின்றன. படம் ஜூன் மாதம் 5 ஆம் தேதி ரிலீஸாகவுள்ளது.

நேற்று இந்த படத்தின் முதல் தனிப்பாடல் ‘ஜிங்குச்சன்’ ரிலீஸானது. அந்நிகழ்வில் கலந்துகொண்டு பேசிய கமல்ஹாசன், இயக்குனர் மணிரத்னத்தைக் கேலி செய்யும் விதமாக ஒரு தகவலைப் பகிர்ந்துள்ளார். அதில் “மணிரத்னம் ஷூட்டிங் என்றால் ஐந்தரை மணிக்கேக் கிளம்பி விடுவார். அவருக்கு நான் வைத்த பட்டப் பெயர் ‘அஞ்சர’ மணிரத்னம். அப்படிதான் நான் அவரைக் கூப்பிடுவேன்” எனக் கூறியுள்ளார்.