இப்படத்தை ‘கிரியேட்டிவ் என்டர்டைனர்ஸ் மற்றும் டிஸ்ட்ரிபியூட்டர்ஸ்’ நிறுவனம் சார்பில் தனஞ்செயன் தயாரிக்கிறார். இதில் நடிகர் சிம்பு, லக்ஷ்மி மஞ்சு, விதார்த் உள்ளிட்டோர் முக்கிய கதாபாத்திரத்தில் நடித்துள்ளனர். காஷிப் இசையமைத்துள்ள இந்த படத்திற்கு மகேஷ் முத்துசுவாமி ஒளிப்பதிவு செய்துள்ளார்.
இந்நிலையில் படத்தை வரும் அக்டோபர் 18-ஆம் தேதி ரிலீஸ் செய்யத் திட்டமிட்டிருந்தனர். ஆனால் தற்போது, படத்தின் ரிலீஸை நவம்பர் மாதம் தீபாவளிக்கு பிறகு ஒத்தி வைத்துள்ளதாக படத்தின் தயாரிப்பாளர் தனஞ்செயன் ட்விட்டரில் தெரிவித்துள்ளார்.
இது குறித்து அவர், அக்டோபர் 18ல் படத்தை வெளியிட யோசித்தோம். ஆனால் அதே நாளில் வெளியாகும் படங்களான தனுஷின் வடசென்னை, சண்டகோழி, திருப்பதிசாமி குடும்பம், எழுமின், அண்டாவக் காணோம் போன்ற படங்கள் அதே மாதத்தில் அடுத்தது வெளியாகவுள்ளதால், எங்கள் படத்திற்கு எதிர்பார்த்த அளவிலான திரைகளும், காட்சிகளும் கிடைக்காது . அதனால் காற்றின் மொழி படத்தை வரும் தீபாவளிக்கு பிறகு வெளியிட திட்டமிட்டுள்ளோம் என்று அவர் தெரிவித்துள்ளார்.
