தெலுங்கு திரையுலகின் முன்னணி இயக்குனரான கொரடலா சிவா இயக்கத்தில் உருவாகும் அடுத்த படத்தில் ஜூனியர் என்டிஆர் நடிக்கிறார். ஜூனியர் என்டிஆரின் 30 ஆவது படமான இதற்கு ‘தேவரா’ என்று டைட்டில் வைக்கப்பட்டுள்ளது. படத்தின் இசையமைப்பாளராக அனிருத் ஒப்பந்தமாகியுள்ளார். ஜான்வி கபூர் கதாநாயகியாக நடிக்க, சைஃப் அலிகான் வில்லன் வேடத்தில் நடிக்கிறார்.
இதையடுத்து படத்தின் டிரைலர் நேற்று ரிலீஸானது. டிரைலர் முழுக்க கதாநாயகனுக்கு பில்டப் கொடுப்பது போலவும், அதற்கான மாஸ் சீன்களுமாக தொகுக்கப்பட்டுள்ளது. பின்னணியில் வரும் பிரகாஷ் ராஜினி வாய்ஸ் ஓவர் கேஜிஎஃப் படத்தில் வரும் பின்னணி போலவே உள்ளது. இந்த டிரைலர் ரசிகர்களை பெரியளவில் ஈர்த்தது போல தெரியவில்லை.
