உதயநிதி நடிப்பில், மாரி செல்வராஜ் இயக்கத்தில் உருவாகியுள்ள படம் மாமன்னன். இப்படத்தில் வடிவேலு, பஹத் பாசில், கீர்த்தி சுரேஷ் ஆகியோர் முக்கியக் கதாபாத்திரத்தில் நடிக்க, ஏ ஆர் ரஹ்மான் இசையமைத்துள்ளார்.
இப்படம் ஜூன் மாதம் 29 ஆம் தேதி ரிலீஸ் ஆகவுள்ள நிலையில் படத்தின் ப்ரமோஷன் பணிகளில் இயக்குனர் செல்வராஜ், உதயநிதி ஸ்டாலின், கீர்த்தி சுரேஷ் ஆகியோர் ஈடுபட்டுள்ளனர்.
இந்த நிலையில், நாளை மறுநாள் இப்படம் ரிலீஸாக உள்ள நிலையில், அகில இந்திய பார்வார்டு பிளாக் கட்சி, ‘’மாமன்னன் படத்தை திரையிட்டால் தேனி வெற்றி தியேட்டர் மீது தாக்குதல் நடத்தப்படும்’’ என்று திரையரங்க மேலாளரிடம் எச்சரிக்கை விடுத்துள்ளனர்.
