ஹரிஷ் கல்யாண் நடித்த திரைப்படம் ஆஸ்கர் நூலகத்தில் இடம்பெற கோரிக்கை விடப்பட்டுள்ளதாக வெளிவந்த செய்தியை அடுத்து அவர் தனது சமூக வலைதளத்தில் மகிழ்ச்சியுடன் செய்த பதிவு வைரல் ஆகி வருகிறது.
ஹரிஷ் கல்யாண் நடித்த பார்க்கிங் திரைப்படம் கடந்த ஆண்டு வெளியானது என்பதும் இந்த படம் மிகப்பெரிய வெற்றி பெற்ற நிலையில் இந்த படத்தில் நடித்த ஹரிஷ் கல்யாண், இந்துஜா மற்றும் எம் எஸ் பாஸ்கர் ஆகியோர்களுக்கு பாராட்டுக்கள் குவிந்தது என்பது தெரிந்தது.
இந்த நிலையில் கடந்த சில நாட்களுக்கு முன்னர் இந்த படம் ஐந்து மொழிகளில் உருவாக இருப்பதாக அதில் ஒரு வெளிநாட்டு மொழி என்றும் தயாரிப்பாளர் தரப்பு கூறியது.
இந்த நிலையில் தற்போது பார்க்கிங் திரைப்படத்தின் கதையை ஆஸ்கர் நூலகத்தில் இடம்பெற விருப்பப்படுவதாக கோரிக்கை கடிதம் ஒன்று வந்துள்ளதை ஹரிஷ் கல்யாண் சமூக வலைதளத்தில் குறிப்பிட்டுள்ளார். அந்த பதிவில் அவர் ’ஒரு நல்ல கதை அதுக்கான இடத்தை தானே தேடி போகும்’ என்று குறிப்பிட்டுள்ளதை அடுத்து இந்த பதிவு தற்போது இணையத்தில் வைரல் ஆகி வருகிறது.