மீண்டும் அஜித் படத்துக்கு இசையமைக்கும் அனிருத்

வேதாளம் படத்துக்கு இசையமைத்த அனிருத்தே அஜித்தின் அடுத்தப் படத்துக்கும் இசையமைக்கிறார். அதனை அதிகாரப்பூர்வமாக உறுதி செய்துள்ளனர்.

பரீட்சார்த்த முயற்சிகளை கைவிட்டு, எது குறைவான ரிஸ்கோ அதில் மட்டுமே கவனம் செலுத்துகிறார் அஜித். சிவா இயக்கும் படங்கள் ரசிகர்களுக்கு பிடிக்கிறதா? சரி, தொடர்ந்து அவரே படம் இயக்கட்டும். அனிருத்தின் ஆலுமா டோலுமா ரசிகர்களை ஆட வைக்கிறதா? சரி, அவரே அடுத்தப் படத்துக்கும் இசையமைக்கட்டும்... ரிஸ்க் என்ற தேவையில்லாத விஷயம் அஜித்தின் அகராதியில் இப்போதைக்கு இல்லை.

சத்யஜோதி ஃபிலிம்ஸ் தயாரிக்கும் இந்தப் படத்தின் படப்பிடிப்பு விரைவில் தொடங்க உள்ளது.