கைதி 2 படத்தில் இணையும் அனுஷ்கா… எதிர்பார்ப்பை எகிறவைக்கும் தகவல்!

மாநகரம், கைதி ஆகிய திரைப்படங்களை இயக்கிய இயக்குனர் லோகேஷ் கனகராஜ் அடுத்ததாக விஜய் மற்றும் கமல் ஆகியோர் நடிப்பில் மாஸ்டர் மற்றும் விக்ரம் ஆகிய படங்களை இயக்கினார். இந்த இரு படங்களின் வெற்றி அவரை மோஸ்ட் வாண்டட் இயக்குனராக்கியது.

சமீபத்தில் மீண்டும் விஜய்யின் லியோ படத்தை இயக்கிய லோகேஷ் ரஜினி நடிப்பில் உருவாகும் கூலி படத்தை இயக்குகிறார். இந்த படத்தை முடித்துவிட்டு அடுத்து அவர் கைதி 2 படத்தை  இயக்குவார் என சொல்லப்படுகிறது. இந்த படம் இந்த ஆண்டு இறுதியில் தொடங்கும் என சொல்லப்படுகிறது.

கைதி முதல் பாகத்தை விட இரண்டாம் பாகம் பெரிய பட்ஜெட்டில் உருவாகவுள்ளது. இதனால் பல மொழி நடிகர்கள் நடிக்கவுள்ளனர் என்று சொல்லப்பட்டது. இந்நிலையில் இந்த படத்தில் ஒரு எதிரமறைக் கதாபாத்திரத்தில் நடிக்க அனுஷ்கா ஒப்பந்தம் செய்யப்பட்டுள்ளதாக தகவல் வெளியாகியுள்ளது. இதன் மூலம் படம் பற்றிய எதிர்பார்ப்பு அதிகமாகியுள்ளது.