இயக்குனர் பா ரஞ்சித் இயக்கத்தில் உருவாகிவரும் 'தங்கலான்’ என்ற திரைப்படத்தில் விக்ரம் மற்றும் மாளவிகா மோகனன் முக்கிய வேடத்தில் நடித்து வருகின்றனர் என்பது தெரிந்ததே. இந்த படத்தின் கதைக்களம் கோலார் தங்க வயலை மையப்படுத்தி உருவாக்கப்படுவதாக தகவல்கள் வெளியாகின. ஆனால் ஷுட்டிங் மதுரை மற்றும் ஆந்திராவின் சில பகுதிகளில் முதலில் நடந்தது. அதன் பின்னர் கே ஜி எஃப்-ல் ஷூட்டிங் நடந்தது.
இந்நிலையில் இன்று விக்ரம் பிறந்தநாளை முன்னிட்டு, படத்தின் அப்டேட் வெளியாகும் என அறிவிக்கப்பட்டு இருந்தது. ஆனால் இப்போது படத்தின் புதிய போஸ்டர் வெளியிடப்பட்டுள்ளது. அதில் விக்ரம் ரத்தக்கறையோடு ஆக்ரோஷமான லுக்கில் காணப்படுகிறார்.
