உலகக்கோப்பைத் தொடரின் மூன்றாவது போட்டியில் இன்று இலங்கை நியுசிலாந்து அணிகள் மோதுகின்றன.
உலககோப்பை போட்டிகள் இந்த முறை கிரிக்கெட்டின் பிறப்பிடமான இங்கிலாந்தில் நடைபெறுகின்றன. இரண்டு தினங்களுக்கு முன் தொடங்கிய போட்டியில் இங்கிலாந்து மற்றும் வெஸ்ட் இண்டீஸ் அணிகள் வெற்றி பெற்றுள்ளன. அதையடுத்து இன்று மூன்றாவது நியுசிலாந்து மற்றும் இலங்கை அணிக்கு இடையில் நடைபெற்று வருகிறது.
கார்டிஃப் மைதானத்தில் நடைபெற்று வரும் போட்டியில் டாஸ் வென்ற நியுசிலாந்து அணி முதலில் பவுலிங் வீச முடிவு செய்துள்ளது. இதையடுத்து முதலில் களமிறங்கிய இலங்கை அணி 7 ஓவர்களுக்கு 41 ரன்கள் சேர்த்து ஒரு விக்கெட்டை இழந்துள்ளது. வலிமைமிக்க நியுசிலாந்து அணியை சமாளிக்க இலங்கை அணி மிகப்பெரிய ஸ்கோரை இலக்காக நிர்ணயிக்க வேண்டிய கட்டாயத்தில் உள்ளது.