இதையடுத்து நேற்று இவ்விரு அணிகளுக்கு இடையிலான முதல் டி 20 போட்டித் தொடங்கியது. டாஸ் வென்ற இங்கிலாந்து முதலில் பவுலிங்கை தேர்வு செய்தது. இதைத் தொடர்ந்து பேட்டிங் செய்த வெஸ்ட் இண்டீஸ் அணி 20 ஓவர்கள் முடிவில் 8 விக்கெட் இழப்பிற்கு 160 ரன்களை எடுத்தது. அந்த அணியின் நிக்கோலஸ் பூரன் அதிகபட்சமாக 58 ரன்கள் சேர்த்தார். மற்ற வீரர்கள் யாரும் பெரிய அளவில் ரன்கள் குவிக்கவில்லை. இங்கிலாந்து தரப்பில் சாம் கரன் அதிகபட்சமாக 4 விக்கெட்களைக் கைப்பற்றி அசத்தினார்.
அதையடுத்து 161 ரன்கள் எடுத்தால் வெற்றி என்ற இலக்கோடுக் களமிறங்கிய இங்கிலாந்து அணி 18.5 ஓவர்களில் 161 ரன்களை சேர்த்து வெற்றிப் பெற்றது. அந்த அணியின் பேர்ஸ்டோவின் 68 ரன்கள் மற்றும் ஜோ டென்லியின் 30 ரன்கள் இங்கிலாந்தின் வெற்றிக்குப் பெரிதும் உதவின. இதன் மூலம் இங்கிலாந்து அணி 1-0 என்ற கணக்கில் தொடரில் முன்னிலை வகிக்கின்றன.
