தென்னாப்பிரிக்க அணியின் முன்னாள் கேப்டனும் மிஸ்டர் 360 டிகிரி பேட்ஸ்மேன் எனவும் அழைக்கப்படும் டிவில்லியர்ஸ் 2018 ஆம் ஆண்டு சர்வதேச போட்டிகளில் இருந்து ஓய்வை அறிவித்தார். அதற்குப் பிறகு ஆம்லா உள்ளிட்ட வீரர்களும் ஓய்வு பெற்றதால் தென்னாப்பிரிக்கா அணி அதளபாதாளத்துக்கு சென்றுள்ளது. இதனால் மீண்டும் டிவில்லியர்ஸ் அணிக்கு திரும்பவேண்டும் என்ற பேச்சு எழுந்தது. இந்த ஆண்டு இறுதியில் நடக்கும் டி 20 உலகக்கோப்பையில் அவர் களம்காணுவார் எனவும் நம்பிக்கையளிக்கும் செய்திகள் வெளியாகின.
